Mihangyo karon ang Provincial Director sa Zamboanga del Sur Police Provincial Office sa Local Government Unit sa Pagadian, nga ikonsiderar ang pagbaton og drone nga adunay night vision capability aron magamit sa kapulisan sa mga operasyon batok sa kriminalidad.
Kini ang gipaabot ni Provicial Director PCol. Bonifacio Arañas Jr. kang Pagadian City Mayor Sammy Co, atol sa Turnover of office ceremony sa Pagadian City Police Station nga gihimo ning bag-o.
Segon ni PCOL. Arañaz, dako ang mahimong matabang sa maong teknolohiya ilabina panahon sa dragnet operations, hot pursuit operations, ug pagpangita sa mga suspetsado nga mosibat sa mga lugar nga lisod maabot sa mga operatiba.
Dugang pa ni PCOL. Arañas, ang drone nga adunay night vision, mas sayon alang sa kapulisan sa pagmonitor sa kalihokan bisan sa kagabhion, pagkuha og real-time nga impormasyon, ug pagpalig-on sa seguridad.
Gilauman sa Provincial Director, nga pinaagi sa modernong kagamitan, mas mapaspas ug mas mahimong epektibo ang ilang kampanya batok sa kriminalidad ug pagmintinar sa kalinaw ug kahapsay sa Pagadian City ug sa tibuok probinsya.
