Preparado na ang Local Government Unit sa Pagadian alang sa pagsaulog sa ika-57 nga Araw ng Pagadian, apan himuon kini nga mas yano kumpara sa nangaging mga tuig isip kabahin sa paningkamot sa pagtipid sa pondo sa syudad.
Gibutyag ni Pagadian City Mayor Sammy Co, nga gitumong sa city government ang paglikay sa dili kinahanglanong paggasto aron mapanalipdan ang panudlanan sa syudad taliwala sa mga hagit nga giatubang sa ekonomiya.
Gidugang sa Mayor, nga lakip sa mga kalihokang wagtangon karong tuiga mao ang Search for Miss Pagadian, nga kaniadto kabahin sa mga nag-unang atraksyon sa Araw nang Pagadian.
Apan niya pa, mas gipili sa lokal nga panggamhanan nga i-realign ang pondo ngadto sa mga programa ug serbisyo nga adunay direktang pagtabang sa katawhan.
Bisan pa sa simpleng selebrasyon, gipasalig gihapon sa Mayor nga magpadayon gihapon ang ubang mga aktibidad sama sa pag-ila sa mga sector sa kumonidad, pagpasidungog sa mga sector nga nakatampo sa kasaysayan ug kalampusan sa syudad.
