Gikumpirmar sa TV host ug komedyante nga si Ryan Bang, nga tapos na ang iyang relasyon sa iyang kanhing fiancée nga si Paola Huyong.
Sa usa ka YouTube vlog ni Vice Ganda, gibutyag ni Ryan nga ang nag-unang hinungdan sa ilang panagbulag mao ang kalainan sa ilang mga prinsipyo, pagtan-aw sa kinabuhi, ug ilabina sa kaminyoon. Matod pa niya, bisan pa sa iyang mga paningkamot nga masulbad ang ilang mga problema, wala na gyud kini masolusyonan.
Gipasiugda usab ni Ryan nga walay third party nga nalambigit sa ilang panagbulag ug iyang gilimod ang mga espekulasyon sa cheating issue. Giangkon niya nga usa kini sa pinakalisod ug pinakangitngit nga yugto sa iyang kinabuhi.
Nahinumduman nga niaging tuig mibutho ang mga espekulasyon sa ilang panagbulag human gitanggal ni Paola ang ilang engagement photos sa social media. Ang duha opisyal nga gipublic ang relasyon niadtong 2023 ug nagkasabot nga magminyo niadtong 2024.
Photo Courtesy:IMDb
