Nagpatuman og preemptive evacuation ang City Government of Pagadian alang sa tanang residente nga nagpuyo sa mga coastal barangays sa syudad sa Pagadian human sa gipagawas nga tsunami warning sa PHIVOLCS isip precautionary measure.
Kini human miigo ang magnitude 7.8 nga linog sa kadagatan sa Sarangani kaganinang buntag, Hunyo 8, 2026 nga nakaapekto sa pipila ka mga bahin sa Mindanao.
Sa pagkakaron, nagpadayon ang monitoring ug koordinasyon sa City Disaster Risk Reduction and Management Office (CDRRMO) Pagadian uban sa mga opisyal sa barangay aron masiguro ang hapsay nga pagbakwit sa mga apektadong komunidad.
Gipasabot sa City Government of Pagadian nga ang maong pagbakwit usa ka preemptive ug precautionary measure aron mapanalipdan ang kinabuhi sa mga residente ug malikayan ang posibleng peligro.
Samtang, gisuspendi dayon sa Pagadian City Government ang klase sa tanang lebel sa pribado ug pampublikong tulunghaan sa pipila ka mga coastal water barangays.
Pipila sa mga barangay nga naapektuhan ang Poloyagan, Bomba, Lumbia, San Pedro, Napolan, Dumagoc, Kawit, Tawagan Sur, White Beach, Santiago, Sta. Lucia, ug Muricay.
Gipahimangnoan ang mga residente nga magpabiling mabinantayon ug magmonitor sa matag karon ug unya nga official advisories sa City Government of Pagadian, PHIVOLCS, ug CDRRMO.
