Nakurat ang komedyanteng si Pooh (Reynold Garcia) human niyang ipa-appraise ang iyang koleksiyon sa vintage jewelry ngadto sa iladong Pawnshop vintage Jewelry collection nga si Charo Cordial sa Marikina.
Gidala ni Pooh ang pipila ka singsing nga dugay na niyang gihunahuna nga mahalon ug maayong investment.
Sumala kang Pooh, ang kantidad sa iyang koleksiyon gibanabana nga moabot sa hapit P7 milyon ug dugay na kining gitago sa ilang panimalay.
Apan miseryoso ang sitwasyon sa dihang gisugdan na ni Charo ang pagsusi sa matag piraso sa alahas gamit ang jewelry tester.
Matag usa nga gisulayan ang mga singsing aron mahibal-an kon tinuod ba ang mga bato ug mahalong metal nga gigamit niini.
Didto mibutyag ang makapakurat nga kamatuoran nga ang pipila sa mga alahas nga giisip ni Pooh nga mahalon ug adunay dakong bili dili diay tinuod sumala sa resulta sa appraisal. Ang pagkadiskobre nakahatag kaniya og dakong kasubo ug leksiyon bahin sa importansya sa pagpa-authenticate sa mga alahas sa dili pa kini isipon nga investment.
