Nihilak sa kalipay si Mommy Dionisia Pacquiao, human makigkita pag-usab sa iyang apo nga si Jimuel Pacquiao pagkahuman sa lima ka tuig nga wala sila magkita.
Ang emosyonal nga panagkita nahitabo sa Los Angeles, California diin nagtigom ang pamilyang Pacquiao alang sa dugay nang gihulat nga reunion. Sa dihang nakita ni Mommy D si Jimuel, gigakos niya kini.
Nadugangan pa ang kalipay sa pamilya sa dihang gipaila ni Jimuel ang iyang partner nga si Caroline ug ang ilang anak nga si Clara. Kini usab ang unang higayon nga nakita ni Mommy D ang iyang apo sa tuhod, diin iyang gidawat pinaagi sa tradisyonal nga pagmamano.
Daghang netizens ang natandog sa maong panagkita ug midayeg sa maayong pagpadako ug pagrespeto nga gipakita ni Jimuel ngadto sa iyang lola bisan pa sa dugay niyang pagpuyo sa Estados Unidos.
