Murag pirmeng hubog bisan wala makainom ang usa ka lalaki nga giilan og si Eric, ang nakapatingala sa daghang tawo human siya makasinati og sintomas nga bisan wala siya moinom og alcohol ug kini nag Viral sa social media.
Matod sa report, nga sa matag higayon nga mokaon siya og mga pagkaon sama sa pan, pasta, luto, ug tam-is, kalit siyang makasinati og pagkalipong, kalibog, pagkayungit sa pagsulti, ug uban pang sintomas nga murag usa ka hubog nga tawo. Tungod niini, daghan ang nagduda kaniya nga basin moinom siya og alcohol nga patago.
Apan human sa pagpanginsusi, nadiskubre sa mga doktor nga siya adunay talagsaong medikal nga kondisyon nga gitawag og Auto-Brewery Syndrome. Sa maong kondisyon, ang pipila ka bakterya sa tinai makahimo sa pag-convert sa carbohydrates ngadto sa alkohol sulod mismo sa lawas.
Tungod niini, ang iyang tiyan murag nahimong usa ka gamayng “brewery” nga naghimo og alkohol bisan wala siyay giinom nga makahubog. Ang maong kondisyon talagsaon apan tinuod, ug mahimong makaapekto sa adlaw-adlaw nga kinabuhi sa pasyente.
Ang istorya ni Eric nagpahinumdom nga adunay mga medikal nga kondisyon nga usahay lisod sabton sa unang tan-aw, ug importante ang hustong diagnos aron malikayan ang sayop nga paghukom sa usa ka tawo.
Photo Courtesy: Top 10s
