Mikunhod ngadto sa 6.8% ang inflation rate sa nasud alang sa bulan sa Mayo karong tuiga gikan sa 7.2% inflation rate nga natala sa bulan sa Abril karong tuiga. Segon sa datos nga gipagaws sa Philippine Statistic Authority (PSA) gahapon, Biyernes, Hunyo 5.
Giingong nag-unang hinungdan niini mao ang hinay nga pagsaka sa presyo sa produkto ug serbisyo sa Transportasyon nga anaa sa 16.2% ning Mayo gikan sa 21.4% niadtong Abril; Food and non-alcoholic beverages nga anaa sa 5.7% gikan sa 6%; ug hinay-hinay nga pag-ubos sa paningil sa Housing, water, electricity, gas, ug other fuels nga anaa sa 7.8% gikan sab sa 8.2%.
Samtang, nasulod sab sa top 5 contributors sa inflation rate niadtong Mayo 2026 ang Bugas nga adunay 15.6% inflation ning Mayo gikan sa 13.7% niadtong Abril; 51.6% nga inflation sa Gasolina gikan sa 59.6% niadtong Abril; Restaurants, cafe, ug uban pa nga anaa sa 6.8% gikan sa 6.1%, LPG sa 41% gikan sa 45.8% ug Rentals sa 3.7% niadtong Mayo gikan sa 3.8% niadtong Abril.
Sumala ni PSA National Statistician and Civil Registrar General Claire Dennis Mapa, maapektuhan sa maong inflation ang mga trabahante sa transportation ingon man ang mga pasahero ning panahon sa ting-ulan.
Photo courtesy: X.COM
