Gipahibalo sa kapulisan sa New York ang mas hugot nga seguridad sa Madison Square Garden atol sa Game 3 sa NBA Finals tali sa New York Knicks ug San Antonio Spurs, human makumpirmar nga motambong si US President Donald Trump sa maong dula.
Sumala sa mga taho, personal nga giimbitar si Trump ni Knicks owner James Dolan aron motan-aw sa mahinungdanong dula sa home court sa New York.
Dako ang interes sa publiko sa maong panagtigi, tungod kini ang unang higayon sukad 1999 nga nakaabot pag-usab ang Knicks sa NBA Finals. Kahinumdoman usab nga mitambong si Trump sa finals sa maong tuig.
Samtang nagkadako ang kahinam sa mga fans, nag-andam usab ang mga otoridad aron masiguro ang kaluwasan sa mga manan-aw ug mga bisita sa arena.
Ang New York nagtinguha nga makadugang sa ilang kasaysayan ug makuha ang ilang unang NBA championship sukad sa 1973, hinungdan nga mas misamot pa ang interes ug suporta sa mga fans sa team.
Photo Courtesy: Yahoo Sports
