Gipadayag sa mga fans ni Taylor Swift ang ilang mga espekulasyon nga posibleng maapil ang sikat nga singer sa umaabot nga pelikulang Toy Story 5 human makita ang usa ka billboard nga adunay inisyal nga “TS” ug daghang detalyeng giisip nilang mga timailhan.
Nasugdan ang mga haka-haka tungod sa 13 skies nga makita sa billboard, usa ka numero nga dugay nang nalambigit kang Swift, ug usa ka social media post sa Pixar nga gituohang adunay kalabutan sa iyang kanta nga “Shake It Off.”
Bisan pa niini, giingon ni Toy Story 5 director Andrew Stanton nga dili si Taylor Swift ang mokanta sa ending song sa pelikula.
Sa pagkakaron, wala pay opisyal nga kumpirmasyon kung adunay partisipasyon si Swift sa maong pelikula nga gikatakdang ipasalida sa Pilipinas karong Hunyo 17,2026.
Photo Courtesy: Pixar post
