Nailhan na sa tibuok kalibutan ang kasikatan sa dulang football ang mga legend nga sila Lionel Messi ug Cristiano Ronaldo, apan sa wala pa nailhan ang adunay usa ka Pilipino nga nakahimo na og kasaysayan alang sa sikat nga football club nga FC Barcelona.
Si Paulino Alcántara nga natawo sa Iloilo maoy giila nga unang Asyano nga nakaduwa ug nakaiskor og goal alang sa FC Barcelona, diin nakapuntos siya og 395 ka mga goal sa 399 ka mga duwa, usa ka rekord nga nagbarog sulod sa halos usa ka siglo.
Tungod sa iyang talagsaong abilidad sa football, gitawag siya og “The Netbreaker,” tungod sa iyang kusog ug kahait sa pag-iskor sulod sa field.
Sa iyang panahon, si Alcántara nahimong usa sa labing bantugang magdudula sa Barcelona ug nakatabang sa pag-alsa sa dungog sa maong koponan sa internasyonal nga entablado. Ang iyang mga nahimo nagpamatuod nga bisan kaniadto pa, adunay Pilipino nga nakahatag og dakong kontribusyon sa kalibutan sa football.
Bisan pa nga mas nailhan karon ang mga modernong football superstars, nagpabilin nga importante ang kabilin ni Paulino Alcántara isip usa ka Pilipinong atleta nga unang nagdala sa bandera sa Pilipinas ngadto sa usa sa labing inila nga football club sa kalibutan.
Ang iyang kasaysayan nagpahinumdom nga ang talento sa mga Pilipino makahimo usab og dakong marka sa internasyonal nga sports ug mahimong inspirasyon sa bag-ong henerasyon sa mga atleta sa nasud.
Photo Courtesy: Phil History
