Mas gipalig-on sa mga personahe sa Mati City Police Station pinaagi sa Bike Patrollers ang pagpahigayon ug police visibility ug security coverage sa mga importanteng establisyemento sa Dakbayan sa Mati pasado alas 8:31 sa buntag niadtong nakalabay nga adlaw.
Ubos sa pagdumala ni PLTCOL FREDERICK C SA-AO, Acting Chief of Police, napatuman ang maong operasyon pinaagi sa pagpanguna nila PCpl Rodrigo Dela Cruz ug Patrolwoman Merry Chou Panilag.
Tumong sa maong kalihokan ang pagpugong sa posibleng kriminalidad, pagpalig-on usab kini sa presensya sa kapulisan sa komunidad ug paghatag dayon og tabang ug kasiguruhan sa katawhan.
Kalabot niini, nagpahimangno usab ang mga personahe sa ngadto sa publiko kabahin na sa hustong pagsiguro sa ilang mga motorsiklo ug sakyanan pinaagi sa pag-lock niini ug paglikay sa pagbilin og mga bililhong gamit sa sulod sa sakyanan aron malikayan ang posibleng kawat ug uban pang mga krimen.
Padayon usab ang pasalig sa Mati City Police Station sa pagpatuman sa police visibility ug regular nga pagpapatrolya aron magpabiling malinawon, hapsay, ug luwas ang palibot sa dakbayan sa Mati.
Photo Courtesy: Mati CPS
