19 ka mga lokal nga kagamhanan sa Bukidnon, ang opisyal nakakuha og “Ideal Functionality” nga grado gikan sa Department of the Interior and Local Government (DILG)
Madasigon ug dako ang garbo karon sa probinsya sa Bukidnon human gipagawas sa DILG ang resulta sa FY 2026 Local Council for the Protection of Children o LCPC Functionality Assessment base sa gihisgutan nga ebalwasyon niadtong tuig 2025.
Subay sa opisyal nga datos, hingpit nga nakuha sa kinatibuk-ang 19 ka mga munisipyo ug syudad ang pinakataas nga kategoriya nga mao ang “Ideal Functionality”. Kini nagpaila lamang nga aktibo, functional, ug responsive ang ilang mga programa alang sa kaayohan, proteksyon, ug kalamboan sa mga kabataan sa ilang tagsa-tagsa ka mga dapit.
Lakip sa mga nakadawat niining maong dungog ang dakbayan sa Malaybalay, dakbayan sa Valencia kauban ang mga lungsod sa Baungon, Cabanglasan, Damulog, Dangcagan, Don Carlos, Kadingilan, Kalilangan, ug Kitaotao, Lantapan, Libona, Malitbog, Manolo Fortich, Maramag, Pangantucan, Quezon, San Fernando, ug Sumilao.
Kini nga kalampusan usa ka dakong kamatuoran nga seryoso ang maong mga lokal nga panggamhanan sa pagpatuman sa mga balaod ug programa nga mupanalipod sa katungod sa matag bata batok sa bisan unsang matang sa pang-abuso ug pagpasagad
Photo Courtesy: LGU Valencia City /DILG
