Nasikop sa gilusad nga drug buy-bust operation sa kapulisan ang usa ka lalaki ug babaye sa Purok 1, Barangay Poblacion 6, Midsayap, Cotabato, alas-9:10 sa gabii niadtong nakalabay nga adlaw.
Sumala kang PLTC. Rey Salgado, hepe sa Midsayap Municipal Police Station, giila ang mga nadakpan nga sila alyas Ran Ran, 39-anyos ug alyas Ann Ann, 46-anyos, parehong residente sa maong barangay.
Narekober sa mga operatiba ang mga pakete sa gituohang shabu, improvised glass tooter, lighter ug marked money nga gigamit sa operasyon.
Gidala na sa custodial facility sa Midsayap MPS ang duha ka suspek ug ginaandam na ang kasong paglapas sa RA 9165 o Comprehensive Dangerous Drugs Act of 2002.
Photo Courtesy: Midsayap MPS
