Wala na gisalikway pa ang posibilidad sa pagsabotahe sa mga transmission lines sa National Grid Corporation of the Philippines nga maoy hinungdan sa dakong pag kaylap sa blackout niadtong mga nakalabayng adlaw.
Matod ni Alvarez, nagbasol siya nga hangtod karon wala pa gihapon matino sa NGCP ang tinuod nga hinungdan sa insidente nga nakaingon sa brownout.
Apan human makita ang litrato sa naapektuhan nga linya, siya miingon nga kini daw “gipusil.”Gisuportahan kini ni ACT Teachers Party-list Representative Antonio Tinio nga dili daw ordinaryo nga pagkaguba.
Gipasabot ni NGCP Public Relations Chief Cynthia Alabanza nga tungod kay wala pa matino ang hinungdan, wala pa nila isalikway ang posibilidad sa pagsabotahe hinungdan nga ila nang gi-refer ang maong butang ngadto sa Philippine National Police.
Sa laing bahin, si PHILRECA Party-list Representative Presley de Jesus niingon nga posibleng adunay mosulay sa pagsabotahe sa NGCP aron maapektuhan ang prangkisa niini sa kongreso.
Photo Courtesy: Rappler
