Giila si Boston Celtics head coach Joe Mazzulla isip NBA Coach of the Year tungod sa iyang lig-on nga pagpangulo sa team bisan pa sa mga hagit nga ilang giatubang karong season.
Si Mazzulla, 37 anyos, maoy unang coach sa Celtics nga nakadawat sa maong award sukad pa ni Bill Fitch niadtong 1980.
Nailhan usab siya nga naggiya sa Boston sa ilang ika-18 nga NBA championship niadtong 2024.
Bisan pa sa pagkawala ni Jayson Tatum sa sinugdanan sa season tungod sa injury, nakahuman gihapon ang Celtics sa 56-26 nga rekord ug nakakuha sa ikaduhang puwesto sa Eastern Conference. Apan napildi sila sa Philadelphia sa unang round sa playoffs.
Gidayeg sa Celtics president of basketball operations Brad Stevens ang leadership ni Mazzulla, ilabi na sa iyang abilidad sa pagpalambo ug pagpadayon sa kusog nga performance sa team bisan pa sa kakulang sa key players.
Giila usab ang dakong kontribusyon sa coaching staff ug players sa Celtics sa ilang kalampusan karong season.
Photo Courtesy: NBA.com
