Calaboso ahora si Alnasir dy-ito y Nilas, este despues allegaomente ya anda este precura ruva el cadenita del de este mismo prima, tene el cantidad valor de 62 mil de pesos, que ya ocuri na mismo residencia del reclamante locao lumiyap, barangay Divisoria que ya ocuri pasada ala una del madroga del ayer.
Mientrastanto na imbestigasyon ta aparece que antes pa con este puede agara, mientras ta durmi el man maridable, ya puede segun golle el esposa sonor na sala pero ya hace este de no vale nada, y cuando para anda ya este templa leche, ya salle ya lang este espantao cuando ya puede mira con el suspechao, insiguidas tambien este ya hace dispierta con el marido.
Y cuando ya hace con este el checkiada, positivo ya puede confisca na de este posesyon el cadenita, donde na mismo tiempo insiguidas tambien ya responde el de atun personahes del police station 5 divisoria, y ya man conduct con el suspechao na estasyon para na propio disposition.
