Padayon nga ipatuman sa local nga kagamhanan sa dakbayan sa Mandaue, ang traffic scheme sa Subang dako Bridge, samtang nagpadayon ang renovation sa maong taytayan.
Gisirad-an na ang bahin sa Subang dako Bridge nga nahimutang sa boundary sa Mandaue City ug Cebu City isip pagpangandam sa pag-ayo niini. Gibutangan usab kini og traffic barriers ug tunga na lamang sa dalan ang maagian sa mga sakyanan.
Sa pagkakaron, makalahus gihapon ang mga sakyanan gikan sa Cebu City paingon sa Mandaue City. Apan ang mga padulong Cebu City gipasubay sa alternatibong rota, gawas lamang sa mga modern ug traditional jeepneys nga gitugotan gihapon nga moagi sa maong taytayan.
Photo courtesy: Traffic Enforcement Agency of Mandaue/FB
