Gisaad karon sa Presidente sa Russia nga si Vladimir Putin nga andam sila mubalos ug airstrike human nga giatake sa Ukraine ang usa ka dormitoryo sa mga estudyante.
Tungod sa maong insidente, mukabat sa 18 ka indibidwal ang namatay ug 42 usab ang naangol sa pag-atake sa Starobilsk, sa rehiyon sa Luhansk. Tungod niini, wala makauyon si Putin sa gihimong pagpangatake ug nagresulta sa dakong damyos ug pagkakalas sa mga kinabuhi.
Sa pikas bahin, gipasabot sa usab sa militar sa Ukraine nga ang airstrike nga gipatuman naigo lamang sa Rubicon drone military unit nga nahimutang mismo didto sa Starobilsk.
Apan bisan paman niini, gihatagan ug gibug-aton ni Putin nga walay mga pasilidad sa militar sa lugar diin nahitabo ang mga airstrike. Tungod niini, ang Presidente sa Russia nag-andam na sa iyang mga sundalo alang sa pagbalos.
Photo Courtesy: Financial Times
