Naka cluster na sa 24 ka mga cooperative sa mga Irrigators Associations ang National Irrigation Administration (NIA) Region 9 sa tibuok Zamboanga Peninsula isip kabahin sa padayon nga pagpalig-on sa sektor sa agrikultura ug irigasyon.
Kini ang gipahibalo ni NIA 9 Regional Manager Engr. June Nathaniel S. Plaza aron mas mapakusgan ang operasyon ug koordinasyon sa mga mag-uuma sa Zamboanga Peninsula.
Sumala ni RM Plaza, ang maong lakang nagtinguha nga mapadali ang implementasyon sa mga programa sa gobyerno, mapalambo ang produksiyon sa humay, ug mapalig-on ang panginabuhian sa mga miyembro sa kooperatiba.
Gilauman usab nga pinaagi sa clustering, mas mapaspasan ang access sa mga agricultural support services, ug mas mapaayo ang sistema sa irigasyon sa mga umahan.
Samtang giingon ni RM Plaza, nga padayon nilang tabangan ang mga irrigators associations pinaagi sa mga training, farm inputs, ug mekanisasyon aron mas mapalambo ang produksyon sa agrikultura sa rehiyon.
