Gikonsidera sa National Anti-Poverty Commission (NAPC) nga dakong impact sa kampanya batok sa kapobrehon sa Region 9, ang padayon nga implementasyon sa Pantawid Pamilyang Pilipino Program (4Ps) sa gobyerno.
Sa gihimong Press Conference gibutyag ni Julieta Tigo, ang Regional Coordinator workers in the informal sector sa NAPC nga dako ang natabang sa 4Ps sa mga kabus nga pamilya pinaagi sa cash assistance alang sa edukasyon, Health ug panginabuhian sa kabataan nga nakahuman.
Dugang pa ni Tigo, ang pantawid dako gihapon og papel isip temporaryong suporta aron makabangon ang mga pamilyang nag-antos sa kalisod sa panginabuhi ug tungod niini daghang benipisyaryo ang natabangan og naka-gradute sa pagtuon.
Nagtuo ang opisyal sa NAPC, nga kinahanglan usab nga suportahan sa katawhan ang gihatag nga programa sa gobyerno sama sa gitanyag nga trabaho, livelihood assistance ug mas daghang oportunidad aron mamahimong lig-on ug sustainable ang pagkunhod sa kapobrehon sa rehiyon nueve.
