Nayabo ang usa ka dump truck human kini mawad-an og kontrol ug mibangga sa center island samtang nagbiyahe sa national highway sa Purok Maganda 1, Rosario, Tandag City, alas 9:22 sa buntag, Mayo 19, 2026.
Base sa nakuha nga CCTV Footage, grabeng nadaot ang unahang bahin sa maong sakyanan. Naguba usab ang gidaro nga center island ug nagkatag ang yuta ug debris sa dalan nga nakaapekto sa dagan sa trapiko sa maong lugar.
Wala pa makahatag og opisyal nga pahayag ang mga otoridad kabahin sa tinuod nga hinungdan sa aksidente. Samtang, luwas na usab ang kahimtang sa driver sa dump truck human kini daling gidala na sa balay tambalan.
Swerte usab nga walay nadamay o nasamdan sa maong panghitabo. Padayon pa ang imbestigasyon sa mga otoridad aron masuta ang tinuod nga hinungdan sa aksidente.
Video courtesy: BEEF PARES NI Tagalog
