Gisaulog niadtong Mayo 19, 2026, sa Zamboanga del Sur ang ika-5 nga anibersaryo isip insurgency-free province pinaagi sa “Small Arms and Light Weapons” o SALW Management Program.
Kabahin sa kalihokan ang turnover sa 95 ka nagkalain-laing klase sa armas nga boluntaryong gitugyan sa mga residente isip suporta sa kampanya sa gobyerno batok sa loose firearms ug armed conflict.
Tumong sa maong programa ang pagmintinar sa kalinaw ug seguridad sa probinsya samtang gipalig-on usab ang kooperasyon tali sa militar, kapulisan, lokal nga panggamhanan ug komunidad.
Sumala ni OPAPRU Secretary Mel Senen S. Sarmiento nga dako ang natabang sa SALW Program aron mapugngan ang kriminalidad ug mapadayon ang malinawon nga kahimtang sa Zamboanga del Sur sulod sa milabayng lima ka tuig.
Gipasiugda usab sa mga opisyal ang padayon nga suporta sa katawhan aron malikayan ang pagbalik sa insurhensya ug masiguro ang lig-on nga kalinaw ug kalamboan sa probinsya sa Zamboanga del Sur.
