Posibleng magpatuman og Suggested Retail Price (SRP)nga P53 kada kilo alang sa local rice ang Department of Agriculture (DA). Matod ni Agriculture Secretary Francisco Tiu Laurel Jr., ginarepaso pa karon sa ahensya ang plano ug posible nga dili magkapareha ang presyo depende sa rehiyon.
Giingon ni Laurel Jr., nga gusto sa DA nga maprotektahan ang mga consumer batok sa pagsaka sa presyo sa pagkaon tungod sa nagpadayon nga krisis sa krudo nga epekto sa gubat sa Middle East.
Apan klaro usab sa DA nga dili kini obligado sundon, kundili giya lamang aron mahibal-an sa publiko ang angay nga presyo sa bugas.
Samtang, nagpadayon gihapon ang P50 kada kilo nga price cap sa imported rice ubos sa Executive Order 118 nga gipirmahan ni Presidente Ferdinand Marcos Jr..
Posible usab nga mapalugwayan pa ang maong price cap sulod sa usa o duha ka bulan depende sa epekto sa krisis sa enerhiya hangtod matapos ang tuig.
Photo Courtesy: Philstar Global
