Mobarato ang bayronon sa kuryente karong bulana human gipahibalo sa National Grid Corporation of the Philippines (NGCP) ang 8.80% nga pag-ubos sa ilang transmission rate. Gikan sa P1.7526 niadtong Marso, nahimo na lang kini nga P1.5983 matag kWh alang sa April billing nga bayran karong Mayo.
Ang maong pagkunhod naggikan sa pag-ubos sa wheeling rate (bayad sa paghatod og kuryente) nga anaa na lang sa P0.6028/kWh, ug sa Ancillary Services (AS) nga mius-os ngadto sa P0.8088/kWh.
Giklaro sa NGCP nga 60 sentimos lang matag kWh ang moadto sa ilang kompanya isip bayad sa serbisyo, samtang ang AS rates direktang ibayad ngadto sa mga power generators ug walay makuha nga ganansya ang NGCP gikan niini.
Photo Courtesy: Remate
