Nagpadayon karon ang imbestigasyon sa Senate of the Philippines human sa insidente sa putukan nga nahitabo kagabii, Mayo 13, sa ikaduhang andana sa building.
Ang mga operatiba sa SOCO (Scene of the Crime Operatives) karon nag-imbestiga sa lugar diin nahitabo ang insidente, samtang ang PNP Forensic Group nagkolekta og mga ebidensya nga mahimong makatabang sa pagtino sa tinuod nga nahitabo ug sa posibleng responsable sa maong insidente.
Sumala sa Department of the Interior and Local Government (DILG), walay namatay o nasamdan sa maong putukan.
Padayon pa ang imbestigasyon sa mga otoridad aron hingpit nga masuta ang mga detalye sa insidente ug masiguro nga matubag ang tanang pangutana sa publiko kabahin niini.
Photo courtesy: Atty. Israelito Torreon Facebook account
