Nagpabiling normal ang suplay sa kuryente sa kinatibuk-ang Zamboanga Peninsula bisan pa man sa nasinatiang taas nga panahon sa ting-init sa nakalabayng bulan.
Kini subay sa gikumpirma sa National Grid Corporation of the Philippines (NGCP) pinaagi no Regional Lead Specialists, Government Relations and Regional Affairs Teotimo Rommel P. Icao atol sa Kapihan sa Rehiyon Nueve.
Dugang pa, wala silay namatikdang kakulang sa suplay sa kuryente sa rehiyon ug padayon nga stable ang operasyon sa mga transmission system sa lain-laing bahin sa rehiyon.
Sa kinatibuk-an, ang rehiyon nagpadayon sa pagtagamtam sa lig-on nga suplay sa kuryente nga importante alang sa inadlaw’ng panginahanglan sa mga member consumer owners.
Nagpasabot kini nga padayon nga segurado ang serbisyo sa kuryente sa mga consumers sa rehiyon, bisan pa sa mga hagit sa panahon.
