Patay ang 2-anyos nga bata, human kini gitabangan ug paak sa tulo ka iro didto sa Barangay Campetic, Palo, Leyte pasado alas 5 ang takna sa kahapunon niadtong nakalabay nga adlaw.
Sumala pa ni Joseph Linde, amahan sa biktima, dali nila nga gidala ang bata sa Leyte Provincial Hospital (LPH), diin girefer kini ngadto sa Eastern Visayas Medical Center (EVMC), diin naabot sila alas-6:00 sa gabie.
Dugang sa amahan, nga wala dayon naasikaso ang iyang anak bisan pa ug kritikal ang kahimtang niini og matod pa, alas-10:00 na sa gabii nahatagan ug anti-tetanus nga bakuna ug dextrose ang bata.
Mibutyag usab siya nga pila ka oras silang nagpaabot apan wala sila mahatagi ug anti rabies nga bakuna hangtud sa miabot ang buntag hinungdan nga wana kaagwanta ang bata ug nakabsan sa iyang kinabuhi.
Base sa death certificate sa bata, rabies ang gibutang nga rason sa kamatayon niini. Nanawagan ang amahan sa bata ngadto sa pamunuan sa EVMC nga imbestigaran ang insidente aron mahatagan ug hustisya ang iyang anak base sa iyang aligasyon nga wala dayon mahatagi ug igo nga atensyon medical sa balay tambalanan ang bata human ang insedente.
Gi-awhag usab sa amahan sa bata ang tag-iya sa mga mananap nga nakapaak sa biktima sa ilang responsibilidad sa maong panghitabo.
