Gidayeg ang internet personality nga si Ian Mark Kamangkang, sa netizens—dili lang sa iyang signature dance moves, kundili sa iyang makapadasig nga mga paningkamot sa paghatag og balik sa komunidad. Sukad sa pagkapopular sa online, si Ian Mark padayon nga gidayeg tungod sa iyang nagkadako nga community works ug mga inisyatibo sa pagahatag balik ngadto sa kumunidad, nga nagpakita nga ang iyang impluwensya milabaw pa sa kalingawan.
Para sa mga wala makaila, si Ian Mark Kulan Kamangkang—naila nga “Pitik Queen”—usa ka Filipino digital content creator ug social media influencer gikan sa Lake Sebu, South Cotabato, sa Mindanao.
Siya nisikat ni adtong tuig 2026 tungod sa iyang high-energy nga “pitik” nga istilo sa sayaw ug ang”humok nga mga lihok,” kasagaran gitakda sa mga track sama sa “Hawak Mo Ang Beat.” Ang followers ni Ian Mark sa TikTok paspas nga mitubo sukad nagsugod siya sa pag-upload sa mga video kaniadtong Pebrero 2026. Gipanghambog niya karon ang kapin sa 445.6K nga mga tagasunod ug 16.7 milyon nga total ang views sa iyang mga videos.
Si Ian Mark, dili lang usa kam pitik queen kundi holder usab og Bachelor of Science sa Community Development, naggamit sa iyang plataporma ug kinitaan aron suportahan ang mga programa sa outreach, ilabi na sa mga bata sa hilit nga lugar ug kulang nga mga komunidad—usa ka adbokasiya nga nagpakita sa iyang academic background.
Bag-ohay lang, nakigtambayayong siya sa Good Zone ug Project PEARLS aron suportahan ang 90 ka adlaw nga feeding program sa Helping Land, Tondo, Manila, nga nakabenepisyo sa dul-an sa 200 ka malnourished nga mga bata nga nag-edad og 12 anyos paubos.
Niadtong Mayo 6, 2026, si Ian Mark mikuha sa Facebook aron ipaambit ang mga litrato gikan sa outreach initiative, uban ang usa ka mensahe nga naghulagway sa mas lawom nga kahulogan sa luyo sa proyekto. Matud ni Ian Mark, ang outreach sa Tondo Manila kay labaw pa sa simpleng feeding program, kini usa ka estorya sa pakigtinabangay, pagkahiusa ug gugma sa atong mga kaigsuonan nga anaa sa kalisdanan sa ilang kinabuhi.
Photo Courtesy : GMA Network
