Nakadani og atensyon sa mga turista ug netizens,ang usa talagsong festival sa Japan tungod sa ilang pagpasundayag nga usa ka dako nga pink phallus,nga adunay gibug-aton nga mokabat og 400 kilos, isip kabahin sa tradisyonal nga pag-ampo alang sa fertility, maayong panglawas, ug abundang ani.
Ang maong selebrasyon nailhan isip Kanamara Matsuri nga ginasaulog sa Kawasaki. Dugay na kining tradisyon sa ilang kultura ug ginatan-aw isip simbolo sa proteksyon, kauswagan, ug pagkamabungahon sa komunidad.
Bisan og para sa uban mahimong katingad-an o kataw-anan ang maong festival, para sa mga lumad ug partisipante kini usa ka importante nga bahin sa ilang kasaysayan ug kultura. Daghan usab nga turista ang motambong matag tuig aron makakita sa talagsaong selebrasyon ug makaila sa lainlaing tradisyon sa Japan.
Ang maong festival nagpahinumdom nga ang matag nasud adunay kaugalingong pamaagi sa pagsaulog sa ilang kultura ug pagtuo ug usahay, ang mga tradisyon nga lahi sa atong nakasanayan mahimong adunay lawom nga kahulugan alang sa ilang komunidad.
Photo Courtesy: Shutterstock
