Nadakpan sa mga otoridad si alyas “Aris,” nga gikonsiderang Top 1 Most Wanted Person sa regional level atol sa gipatumang manhunt operation didto sa Purok Macaling, Barangay Magdug, Governor Generoso, Davao Oriental niadtong nakalabay nga adlaw.
Ang operasyon gikasa sa mga personahe sa Lupon Municipal Police Station, kauban ang 2nd DOPMFC, 1103rd Maneuver Company ug lain pang mga operatiba.
Ang suspetsado nadakpan pinaagi sa pagpatuman sa warrant of arrest alang sa kasong Murder ilalom sa Article 248 sa Revised Penal Code nga giisyu sa Presiding Judge sa Regional Trial Court, 11th Judicial Region, Branch 32, Lupon, penitsahan niadtong Pebrero 25, 2026 ug adunay pyansang girekomendar ang korte nga mukabat sa Php 120,000.00 alang sa iyang temporaryong kagawasan.
Ss pagkakaron ang dinakpan anaa na sa kustodiya sa kapulisan alang sa tukmang disposisyon.
Photo Courtesy: PRO 11
