Nadakpan sa mga otoridad sa Colombo International Airport ang 22 ka indibidwal nga nagpailang mga monghe human makit-an sa ilang mga bagahe ang gidudahang marijuana nga mokabat og 110 ka kilo ang kabug-aton.
Sumala sa imbestigasyon, matag usa sa grupo adunay dala nga gibana-bana lima ka kilo nga droga nga gitago sa mga “false compartment” sa ilang mga maleta. Gituohang gikan sa Thailand ang maong kontrabando.
Nasayran usab nga ang grupo, nga kadaghanan mga estudyante, gikan sa usa ka libreng biyahe nga gi-sponsor sa wala pa mailhing indibidwal o grupo.
Sa pagkakaron, anaa na sa kustodiya sa kapulisan ang mga suspek samtang nagpadayon ang imbestigasyon aron mahibal-an ang tinood nga tinubdan ug koneksyon sa maong ilegal nga kalihokan.
Padayon ang pahimangno sa mga otoridad batok sa pagdala ug ilegal nga droga ilabina sa mga international nga biyahe.
Photo Courtesy: The Newyork Times
