Gidakop sa kapulisan sa San Luis Municipal Police Station ang usa ka 32-anyos nga lalaki kinsa gipasanginlang nakalapas sa balaod sa eleksyon atol sa gipahigayong kampanya batok sa mga wanted persons kagahapong adlawa, Abril 29, 2026, bandang alas 8:45 sa gabii sa P-3, Barangay Coalicion, San Luis, Agusan del Sur.
Pinangulohan mismo ni PCPT Alan Y. Badajos, ang Acting Chief of Police, kondiin gisilbi sa mga otoridad ang Warrant of Arrest batok sa suspitsado tungod sa paglapas sa Batas Pambansa 88, Section 74 kalambigitan sa Section 262 sa Omnibus Election Code, o ang kasong Material Misrepresentation.
Giisyu ang maong warrant ni Ferdinand Recodo Villanueva, ang Presiding Judge sa RTC, Tenth Judicial Region, Branch 7 sa Bayugan City, niadtong Abril 23, 2026, diin adunay girekomendar nga piyansa nga mokabat sa ₱36,000.00 alang sa temporaryong kagawasan sa dinakpan.
Sa kasamtangan, nagtingkagol na ang suspetsado sa selda sa San Luis MPS alang sa tukmang disposisyon sa iyang kaso.
Photo Courtesy: San Luis MPS
