Nasakmit sa Bureau of Customs ang dul-an ₱250 milyon nga kantidad sa shabu sa Ninoy Aquino International Airport. Ang iligal nga droga nakit-an sulod sa mga imported nga bombilya nga giingong LED lights gikan sa Mexico.
Sumala sa report, gi-X-ray ang shipment ug didto nadiskubre nga ang 180 ka bombilya adunay sulod nga shabu. Giingon sa BOC nga bag-o kini nga paagi sa pagtago sa droga aron malikayan ang inspeksyon.
Ang kargamento padulong unta sa Valenzuela City. Padayon karon ang imbestigasyon uban sa Philippine Drug Enforcement Agency aron mailhan ang mga tawo nga nagpaluyo sa maong shipment ug mapasakaan sila og kaso.
Matod sa BOC, kini na ang pinakadako nilang nasakmit nga iligal nga droga sa NAIA hangtod karon ug niingon nga nagpadayon gihapon ang ilang operasyon batok sa iligal nga droga sa nasud.
Photo Courtesy: ABS-CBN
