Gipahigayon ang ika-duhang kwarter nga panagtigom sa City Disaster Risk Reduction and Management Council (CDRRMC-TANDAG) niadtong nakalabay nga adlaw, diin unom ka importante nga resolusyon ang napasar alang sa mas lig-on nga seguridad sa dakbayan.
Ang maong tigom gipangulohan ni Sangguniang Panlungsod Member Antonio Salazar, kinsa nagrepresentar kang Mayor Roxanne Pimentel. Angayang masayran nga ang mga resolusyon nagtutok sa tulo ka aspeto: pagpangandam, pagpugong, ug paspas nga pagtubag sa kalamidad.
Lakip sa mga gi-aprobahan mao ang Tsunami Ready Community Program, ug Incident Command System (ICS)
Kini nga mga lakang nagpakita sa proaktibong serbisyo sa lokal nga Panggamhanan sa Tandag aron masiguro ang kaluwasan ug kaayohan sa matag Tandaganon batok na sa bisan unsang katalagman.
Photo courtesy: CDRRMC-TANDAG
