Gikumperma sa mga otoridad nga nagpabiling lig-on o walay dako nga kausaban ang presyo sa produktong petrolyo sa Pagadian City, base sa pinakabag-ong inspeksyon sa Price Monitoring Task Force.
Gipatuman ang maong monitoring ubos sa direktiba ni Mayor Sammy Co, aron masiguro nga ang mga gasolinahan nagasunod sa opisyal nga price adjustments ug walay sobra nga pagsaka sa presyo.
Gitan-aw usab sa mga inspektor ang tukmang sukod sa mga dispensing pumps ug tanke aron masiguro nga hustong kantidad sa petrolyo ang madawat sa mga konsumidor.
Sumala sa City Government, pinaagi sa Price Coordinating Council, padayon ang ilang paningkamot sa pagpanalipod sa publiko batok sa overpricing ug dili patas nga transaksyon.
Gipahibalo usab nga magpadayon ang regular ug kalit nga inspeksyon aron mapadayon ang transparency ug angay nga pagbaligya sa petrolyo sa syudad.
Giawhag ang publiko nga magmatngon ug ireport dayon sa mga awtoridad ang bisan unsang kahimtang nga dili normal sa presyo o suplay.
Photo Courtesy: Asenso Pagadian
