Gitugotan ang Brazil sa pagpadala og presko ug chilled nga baka diri sa Pilipinas, sumala sa Department of Agriculture (DA), human kini mailhan nga foot-and-mouth disease (FMD) free nga nasud.
Base sa Department Order 9, apil usab sa gitugotan ang pag-import sa tambok sa baka. Giingon sa DA nga kompleto ug husto ang mga dokumentong gisumite sa Ministry of Agriculture and Livestock.
Sumala ni Jesus Cham, ang FMD-free status nga walay vaccination nagtugot usab sa pag-import sa bukog ug offals, nga makadugang sa suplay sa merkado.
Giila sa World Organisation for Animal Health niadtong 2025 nga FMD-free na ang Brazil, nga makatabang sa pagpalambo sa internasyonal nga patigayon sa karne.
Ang Brazil mao gihapon ang labing dakong tinubdan sa imported nga karne sa Pilipinas, nga naglangkob og 44% sa beef imports niadtong 2025.
Photo Courtesy: Agriland
