Giklaro sa Manila Electric Co. o Meralco nga wala sila’y makuha nga bisan unsang ginansya gikan sa mga tinawag nga pass-through charges nga makita sa electric bill sa mga konsumante.
Sumala ni Meralco spokesperson Joe Zaldarriaga, ang mga singil sama sa generation, transmission, ug mga buhis sa gobyerno kay direktang ginapasa ngadto sa mga hingtungdan nga ahensya ug dili kini mapunta sa bulsa sa kumpanya. Matod pa, ang matag item sa balayranan kay gi-aprubahan sa mga regulatory agencies subay sa balaod.
Gihimo sa Meralco kini nga pamahayag dungan sa mga reklamo sa pagsaka sa presyo sa kuryente, diin duna’y dugang nga singil kaniadtong Marso ug karong kasamtangang bulan.
Gipahinumdoman usab sa kumpanya ang publiko nga ang ilahang kaugalingong distribution charge wala na mausab sukad pa kaniadtong tuig 2022. Sa pagkakaron, gisaad sa Meralco ang padayon nga transparency sa paghatag og impormasyon aron mas masabtan sa mga katawhan ang breakdown sa ilahang binulan nga bayran
Photo Courtesy: Philippine News Agency
