Daling gidala sa balay tambalanan ang usa ka batan-ong lalaki human kini na aksidente sa iyang motor didto sa Barangay Sumo-Sumo, Tago, Surigao del Sur, kaghapong adlawa, adlaw nga Domingo sa gabii, Abril 26, 2026.
Naila ang biktima nga si Erbert Bebat, 29-anyos, ug residente sa Purok Maligaya sa maong barangay. Sumala sa report, nahitabo ang insidente bandang alas 6:35 sa gabii samtang nagsubay ang biktima sa dalan. Kalit matod pa nga dunay mga kanding nga ningtabok sa kalsada hinungdan nga nawad-an siya og kontrol ug dayong natumba ang iyang gimanehoan nga motor.
Sa pagkakaron, nagpaalim na sa hospital ang biktima human sa naangkon nga mga pangos sa iyang tuo nga tuhod ug gidudahang na-dislocate ang iyang tuo nga siko tungod sa kakusog sa pagka lamba sa aksidente.
Samtang gipahimangnoan ang tanang motorista nga magmatngon ug mag-amping sa tanang higayon aron malikayan ang susamang insidente.
Photo Courtesy: MDRRMO-TAGO
