Gilauman nga mas mapalambo pa ang produksyon sa humay sa rehiyon human maggahin og ₱1.4 bilyon nga pondo ang National Irrigation Administration Region 9 (NIA-9) alang sa pagmugna ug pagpaayo ug mga irigasyon sa tuig 2026.
Matod ni NIA-9 Regional Manager Engr. June Nathaniel S. Plaza, ang maong pondo gamiton aron mabutangan og irigasyon ang kapin 973 ka ektarya nga yutang pang-uma, lakip na ang rehabilitasyon sa mga naguba ug daan nang irrigation systems sa Zamboanga Peninsula.
Gisaysay ni RM Plaza, ang ₱1.4 bilyon nga pondo gibahin na mga probinsya ug syudad sa Zamboanga Peninsula aron masiguro ang hustong suplay sa tubig sa mga umahan ug mapadayon ang maayong produksyon sa humay.
Gilauman ni RM Plaza, pinaagi sa dugang nga mga proyekto mas daghan na nga mga mag-uuma sa rehiyon ang makabenepisyosa mas episyenteng sistema sa patubig nga makatabang sa pagtaas sa ilang ani ug kita.
Samtang iyang giingon, nagpadayon ang paningkamot sa NIA-9 sa pagpalig-on sa sektor sa agrikultura pinaagi sa mga proyekto nga mosuporta sa panginabuhian sa mga mag-uuma ug sa seguridad sa pagkaon sa rehiyon.
