Gikan sa Level 8, gisaka sa Civil Aeronautics Board (CAB) sa Level 19 ang fuel surcharge gikan Abril 16 hangtud sa 30.
Taliwala kini sa krisis sa lana nunot sab sa giyera sa Middle East. Ubos sa Level 19, magbayad na ang pasahero og dugang nga Php627 hangtud sa Php1,834 alang sa mga domestic flights, magdepende sa distansya.
Alang sab sa international flights, ang fuel surcharge moabot sab sa Php2,070.77 hangtod sa Php15,397.15.
Tungod niini, gilauman ang pagsaka sa plitehan sa eroplano ingon man sa cargo aircrafts. Kahinumduman nga una nga nihatag og pagtugot ang Transportation Department sa CAB alang sa pagsaka sa fuel surcharge human nga nidoble ang kantidad sa jet fuel.
Photo courtesy: DA
