Gipalig-on sa Department of Trade and Industry–Davao del Norte Provincial Office (DTI-DNPO) ang pagmonitor sa presyo ug suplay sa Basic Necessities and Prime Commodities (BNPCs) sa tibuok probinsya subay sa Executive Order No. 110 nga nagdeklara og State of National Energy Emergency.
Ang maong kalihokan gipangulohan sa Consumer Protection Division (CPD) sa DTI-DNPO uban sa mga Negosyo Centers, sa pakigkoordinar sa Local Price Coordinating Councils (LPCCs) sa mga LGUs, ug sa tabang sa mga interns gikan sa UM Tagum College ug Kapalong College of Agriculture, Sciences and Technology.
Gipahigayon kini gikan Abril 14 hangtod Abril 20, 2026 sa Tagum City, Igacos, Kapalong, Asuncion, New Corella, ug Braulio E. Dujali.
Tumong sa monitoring ang pagsiguro nga patas ug stable ang presyo sa mga batakang palaliton, adunay igo nga suplay, ug naprotektahan ang katungod sa mga konsumidor pinaagi sa pagsunod sa Suggested Retail Prices (SRP), hustong labeling, ug patas nga pamaagi sa negosyo.
Nagpadayon ang DTI-DNPO sa ilang misyon sa pagpanalipod sa konsumidor ug pagpalambo sa responsableng pamaagi sa negosyo pinaagi sa lig-on nga kolaborasyon uban sa LGUs ug ubang stakeholders sa Davao del Norte.
Photo Courtesy : DTI DavNor
