Tingkagol sa prisohan ang usa ka lalaki nga giilang si alyas Monmon 32-anyos human niini gipanunggab si alyas Jun 35-anyos parehong residente sa Palo, Leyte nga nahitabo sa Sitio Macaranas, Barangay Capirawan, Palo, Leyte, niadtong nakalabay nga mga adlaw.
Base sa imbestigasyon sa Palo Municipal Police Station, ang biktima pauli na unta sakay og motorsiklo uban ang iyang kauban gikan sa usa ka kalingawan, sa dihang kalit siyang gisugat ug giatake sa suspek pinaagi sa pagdunggab. Personal nga kalagot tungod sa panaglalis ang gitan aw nga motibo sa krimen.
Dali nga girespondehan sa mga rescuer ang biktima ug gidala sa balay tambalanan alang sa hinanaling atensyon medical.
Dali usab nga milusad og hot pursuit operation ang kapulisan nga misangpot sa paspas nga pagkadakop sa suspek. Gipahibalo kaniya ang hinungdan sa iyang pagdakop ug ang iyang katungod sa lengwahe nga iyang nasabtan.
Sa pagkakaron, anaa na sa kustodiya sa Palo MPS ang suspek samtang giandam ang pormal nga kaso nga ipasaka batok kaniya.
Photo Courtesy: Palo MDRRMO
