Nagpadayon ang Municipal Environment and Natural Resources Office (MENRO), Nabunturan Davao De oro sa hugot nga pagpatuman sa ilang “no segregation, no collection” policy sa mga busura sa tibuok lungsod, lakip na sa matag kabarangayan.
Matod ni Roger Hibaya, EMS 1 sa MENRO atol sa pakighibi sa Juander Radyo News Team nga aktibo ang ilang monitoring aron masiguro nga nasunod ang maong polisiya.
Dugang pa niya, daghan nang mga residente sa Nabunturan ang naka-angkon og multa tungod sa paglapas sa mga ordinansa nga may kalabutan sa basura.
Gipasabot usab ni Hibaya ang dakong epekto sa dili sakto nga paglabay ug pagsunog sa basura, ilabina kung kini ihulog sa mga sapa, kanal, ug ubang waterways.
Tungod mopadulong gihapon kini sa dagat, hinungdan sa polusyon nga makaapekto sa marine life sama sa mga isda ug korales.
Busa, giawhag niya ang publiko nga seryosohon ang pag-segregate sa basura aron kini mapahiluna og tarong aron malikayan ang multa ug mapreserbar ang kinaiyahan.
