Gipangunahan sa mga personahe sa Philippine Drug Enforcement Agency Davao Oriental Provincial Office pinaagi sa Preventive Education and Community Involvement Officer ang pagpahigayon ug Drug Abuse Prevention Education lecture ngadto sa mga miyembro sa Tricycle Operators and Drivers Association (TODA).
Ang kalihokan gipahigayon sa Brgy. Central Hall, Mati City, Davao Oriental niadtong Abril 20, 2026 ug gitambongan kini sa mga TODA members nga nagserbisyo sa palibot sa Madang Public Market.
Tumong sa maong aktibidad ang pagpalambo sa kahibalo sa mga stakeholders sa sektor sa transportasyon kabahin sa risgo nga sangputan sa ilegal nga droga ug sa pagdasig sa paghimo og usa ka luwas, limpyo, ug drug-free nga lugar sa trabahoan ug sa komunidad.
Kabahin niini, gi-awhag ang mga partisipante nga aktibong mosuporta sa mga inisyatibo nga gipatuman sa mga otoridad aron nga mabatokan ang droga ug mahimong kauban sila sa pagmintinar sa kalinaw ug kahusay sulod sa dakbayan.
Photo courtesy: PDEA DAVAO REGION
