Sikop ang usa ka drug suspect sa gipahigayong drug buy-bust operation sa kapulisan sa Barangay San Jose, lungsod sa Baliguian, Zamboanga del Norte niadtong milabayng adlaw.
Giila ang dinakpan nga si alyas Kino, 42-anyos, minyo, usa ka mag-uuma ug residente sa Barangay Guimotan sa nasangpit nga lungsod.
Nasakmit gikan sa suspetsado ang 1.15 grams sa shabu nga nagkantidad ug Php7,820.00 ug uban ang mga drug paraphernalias.
Gipangunahan sa mga personahe sa Baliguian Municipal Police Station ang maong operasyon sa koordinasyon sa 2nd ZNPMFC hinungdan sa malampusong pagkasikop sa suspetsado.
Tingkagol na sa selda sa Baliguian Municipal Police Station ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Guardian
