Gipasiugda, ni Supervising Labor and Employment Officer Rommil M. Cagas nga ang kontrata sa trabaho kinahanglan sundon ug dili abusohon sa mga employer. Kini ang iyang gipahayag atol sa paghinabi sa Juander Radyo Iligan news team ning bagohay pa lamang.
Matod niya, ang empleyado kinahanglan makaserbisyo og usa ka tuig aron makuha ang pipila ka benepisyo sama sa Service Incentive Leave, nga naghatag og lima ka adlaw nga bayad nga leave sulod sa usa ka tuig.
Dugang pa niya, ang kontrata sa trabaho dili dapat molapas og usa ka tuig kung walay klarong basehan. Kung mosobra niini ug dili na makatarunganon ang kondisyon, adunay katungod ang empleyado nga moreklamo batok sa employer.
