Gipasiugda sa Department of the Interior and Local Government (DILG) Iligan City ang mga importanteng giya ilalom sa DILG Memorandum Circular No. 2026-021 atol sa miting sa mga Barangay Secretaries ug Treasurers niadtong Abril 15, 2026.
Ang diskusyon nagtutok sa obligadong imbentaryo ug turnover sa tanang kabtangan sa Barangay ug Sangguniang Kabataan (SK), lakip na ang mga financial records, dokumento, ug mga pananagutan sa kuwarta sa tanang kasamtangang opisyal. Kini kabahin sa pagpangandam alang sa Barangay ug SK Elections nga ipahigayon sa unang Lunes sa Nobyembre 2026.
Gipahimangnoan usab ang pagtukod sa Barangay ug SK Inventory Team aron masiguro ang hapsay ug transparent nga transisyon sa liderato.
Dugang pa, gipasiugda ang pagpalig-on sa records management sa lebel sa barangay ug ang standardized nga pag-andam sa mga dokumento alang sa Lupong Tagapamayapa Incentive Awards (LTIA), aron mapalambo ang compliance, kahusayan, ug panubag sa lokal nga pangagamhanan.
