Misurender sa 36th Infantry Battalion o 36IB ang usa ka Political Instructor sa Communist Terrorist Group o CTG niadtong Abril 15 sa Barangay Puyat, Carmen, Surigao del Sur.
Giila ang nisurender nga si Junrey Anob Adobo alyas “Cyrus” ug “Putot”, nga dugay nang nalambigit sa kalihukan isip sakop sa Sub-Regional Sentro de Grabidad sa North Eastern Mindanao Regional Committee.
Sumala kaniya, nakadesisyon siyang mobalik sa gobyerno tungod sa kakulang sa suporta gikan sa masa, kalisod sa pagpuyo sa kabukiran, ug tinguha nga maatiman ang iyang pamilya ilabina ang iyang anak.
Dugang pa niya, nakaimpluwensya usab ang panawagan sa radio program sa 36IB nga kanunay nag-awhag kaniya sa pagbalik sa gobyerno.
Sa pagkakaron, anaa na siya sa kustodiya sa 36IB ug gipailawom na sa debriefing ug uban pang proseso alang sa iyang reintegrasyon sa katilingban.
Samtang, sa pagkakarun padayon pa ang panawagan sa 36IB sa mga nahibiling miyembro sa CTG nga mopili sa kalinaw ug mobalik sa sabakan sa balaod.
Photo Courtesy: 36th Infantry Battalion
