Gilugwayan sa Securities and Exchange Commission (SEC) ang deadline sa pagsumiter sa annual financial statements (AFS) ngadto sa Hunyo 15 subay sa bag-ong tax filing schedule.
Sa gipagawas nga notice sa SEC nga gisibog sa AFS ang deadline nga unang giset sa Mayo 29 alang sa mga kompanya nga nitapos ang fiscal year sa Disyembre 25, 2025.
Ang giusab nga iskedyul naglakip sa tanang korporasyon, apil ang mga branches, representative offices, ug regional headquarters sa mga langyaw nga kompanya.
Ang mga brokers ug dealers mahimo na karon mosumite sa SEC Form 52-AR uban sa AFS hangtod sa Mayo 15, imbes sa naunang deadline nga Abril 30.
Ang mga public companies ug issuers mahimo usab mag-file sa ilang annual reports, o SEC Form 17-A, uban sa AFS attachments hangtod sa Mayo 15.
Matod ni Francis Lim, ang pagpalawig nagtugot sa mga kompanya nga ma-align ang ilang filing sa deadline sa BIR ug masiguro ang tukmang financial disclosures.
Sumala sa regulator, kinahanglan gihapon isumite ang mga filing pinaagi sa ilang electronic system, uban sa pruweba sa upload gikan sa BIR.
Photo credits: seekpng.com
